Nytt samband gir ny kvardag

Før måtte to mann køyre ut utstyr for å få sambandet opp å gå, men no slepp dei lenger gjere den jobben.

Det nye sambandet dekkjer store delar av Sunnfjord på få sekund, fortel Joakim Hermansen som er sambandsleiar i Førde.

– Dette er ein anna kvardag for oss, seier Hermansen til NRK.no.

• LES OGSÅ: Hjelpekorpsa er klare til innsats

Slik det har vore no har Røde Kors Hjelpekorps måtte bruke mannskap som fysisk måtte plassere ut basestasjonar i området der dei hadde behov for å ha kontakt med kvarandre. Situasjonen har no blitt ein heilt anna.

– No har vi fått ein basestasjon plassert på Hafstadfjellet, og med den kan vi bruke VHF-apparata våre til å snakke saman i Førde-området.

– Den er så godt plassert på fjellet at vi også når ut til fleire av nabokommunane våre. Vi når også heilt til operasjonssentralen i Florø, seier Hermansen og seier dei slik lett får kontakt med politi og brannvesen.

• LES OGSÅ: Hjelpekorpsa til Røde Kors får stadig fleire oppdrag her i fylket
• LES OGSÅ: Beredskapssjef fryktar teleberedskapen blir for kommers

Det nye sambandet gjer utan tvil kvardagen til hjelpekorpset lettare, og ikkje minst sparar den dei for verdifull tid.

– Dess mindre tid vi brukar på å ordne sambandet, dess meir kan vi bruke på det vi eigentleg skal, seier Hermansen.

– No treng vi berre ein mann som bruker nokre minutt på å vurdere sambandet, og vi er oppe å går på kort tid.