Alarmsentralen melder fredag kveld like etter halv seks om røykutvikling i eit bustadhus i Jostedalen, ikkje langt frå Gaupne.
– Det er ikkje folk til stades i huset har vi fått opplyst, seier operasjonsleiar hos politiet, Hans Petter Harlem.
Både brannvesen og politi er på staden.
Brannvesenet held på å avslutte no. Det skal ikkje vere klart kva som skal ha vore årsaka til brannen.
Kl 20.00 fekk operasjonssentralen opplyst at underetasjen i huset har fått brannskadar, medan resten av bygget er røykskada.
Saka vert vidare etterforska av Luster lensmannskontor.