Dette går fram av Noregs vassdrags- og energidirektorat (NVE) sitt heilt nye flaumsonekart for Årdal kommune. Kartet viser at Ålmenhagen, Tronteigen, Lykja og Timresletti vil vere ekstra utsett for flaum.
Kartet vart lagt fram av NVE tysdag ettermiddag.
–Det viser seg mellom anna at hovudvegen oppover dalen vil bli overfløymd ved større flaumhendingar, seier Gunnstein Brakestad, regionsjef i NVE.
– Kvifor er denne delen av kommunen så utsett for flaum?
– Reguleringa av elva Utla og at det er bygd ein del på dei flate områda i dalen, gjer det spesielt flaumutsett der, seier Brakestad.
- LES OGSÅ:
1000-årsflaum
Karta gjev informasjon om overfløyming ved 20-, 200- og 1000-årsflaum, i tillegg til klimaframskriving av 200-årsflaum i år 2100.
Resultata frå klimaframskrivinga vil mellom anna vere nyttig for arealplanlegging, byggesakshandsaming og lokal beredskap.
Erfaringane frå storflaumen på Austlandet i 1995, viser at flaumsonekartlegging blir sett på som det viktigaste verktyet for å redusere flaumskadar i framtida.
- LES OGSÅ:
- LES OGSÅ:
Ikkje mykje skredfare
NVE legg også fram eit faresonekart for skred.
– Enkelte område i kommunen er utsette for eit såkalla tusenårsskred. Men i det store og heile blir busetnadsområda i Årdal "friskmelde". I så måte vil faresonekartet for skred vere positiv lesnad for Årdal, seier Brakestad.
Ifølgje Brakestad skal Balestrand, Høyanger og Stryn kartleggjast for flaum og skred i løpet av året.