– Dette var skikkeleg dritt, no er eg sint, seier Flatland rett etter løpet.
Ho er svært skuffa og klarer ikkje halde tårene unna då ho blir intevju rett etter løpet.
Etter gårsdagens 8. plass, hadde ho eit godt utgangspunkt føre jaktstarten. Etter fire skytingar hadde ho gått seg opp til ein fjerdeplass.
Det såg lenge ut til at ho kunne kjempe om medaljeplass, men så falt ho då ho prøvde å gå forbi Olga Zaitseva.
– Eg hadde betre gli enn Olga, så vi gjekk i kvarandre. Begge to ramla. Bindingen min blei øydelagd og eg hadde problem med å komme meg opp igjen, seier ho.
- LES OGSÅ:
Dermed enda ho på ein sjuandeplass i verdsmeisterskapen. Ho skaut ein bom og blei nest beste nordmann. Tora Berger vann dagens renn og blei verdsmeister trass i tre bom.
- LES OGSÅ:
Flatland seier at dagens løype passar ho bra og at ho følte seg kjempesterk på siste runden.
– Men slik går det når eg ikkje klarer å halde med på beina, seier ho rett etter løpet.