Kollisjon på fylkesveg 55

Politiet fekk melding om kollisjonen klokka 13.39.

Det er to kjøretøy som har kollidert og brann, politi og ambulanse reiste til ulukkesstaden. Det var mogleg å passere på staden.

Ein person skal vere skadd i hendinga.

Politiet opplyser ved 15.10-tida at vedkommande som vart skadd var innom legevakta, og fekk behandling der. Det var rydda opp på ulukkesstaden like før klokka 15.

Årsaka til ulukka er ikkje kjent. Det er ikkje mistanke om rus, og politiet i Sogndal vil etterforska saka vidare.