48-åringen, som er steson til stortingsrepresentant Martin Kolberg, vart i Oslo tingrett funnen skuldig i å ha sendt drapstrugsmål som omfatta både Kolberg og statsminister Jens Stoltenberg.
- LES OGSÅ:
- LES OGSÅ:
Mannen bur no på Austlandet, men har tidlegare budd i Sogn og Fjordane. Han er og funnen skuldig i vald og valdtekt mot ei kvinne. Dette skjedde i 2008 medan han budde i Sogn og Fjordane.
Mannen erkjende å ha sendt stefar sin og mor si ei rekkje epostar og SMS-ar med trugande innhald. I retten nekta han for at dei i juridisk forstand var å rekne som truslar.
– Orka ikkje meir
Mannen nekta også for at han hadde planar om å omsetje truslane i handling. Kolberg forklara derimot at han ikkje er i tvil om at truslane var reelle.
- LES OGSÅ:
Oslo tingrett fekk også høyre stortingspolitikaren fortelje om tusenvis av truslar gjennom fleire tiår.
– Etter 38 år vart truslane så konkrete at eg ikkje orka lenger. Då gjekk eg til Politiets sikkerheitsteneste og ba om hjelp, sa Kolberg i retten i følgje NTB.
Anka dommen
I tillegg til forvaringsstraffa må mannen betale 175 000 kroner i oppreising til valdtektsofferet og 60 000 kroner til sonen hennar.
Den dømde 48-åringen ankar dommen på alle punkt, både på skuldspørsmålet og på straffeutmålinga.