Måndag 27. januar 2014 la Riksadvokaten fram den offisielle tiltalen mot 24-åringen. Denne inkluderar valdtekt, forsettleg drap, ransforsøk av ein kiosk, samt trugslar mot offentleg tenestemann.
- LES OGSÅ:
Sidan den gongen har den sikta 24-åringen vore i isolasjon og varetekt i påvente av rettssaka.
Ventar at dommen blir anka
Den tiltalte 24-åringen har erkjent å ha valdtatt og drept Weløy Aarseth.
Aktor krevjer at tiltalte blir dømt til forvaring i 21 år, lovas strengaste straff.
Men forsvarsadvokaten seier 24-åringen treng hjelp for rus og psykiatri, ikkje ein langvarig fengselsstraff.
Det er difor venta at dommen blir anka til lagmannsretten.
– Det kan godt vera. Det kan og enda med at det vert ei avgrensa anke knytt til reaksjonsforsettelsen. Det vil i så fall vere ei mindre omfattande sak, seier Råen.
– Eit oppgjer mellom samfunnet og den tiltalte
Råen legg til at foreldra til Anja Weløy Aarseth reknar med å få innfridd deira økonomiske krav til erstatning i retten i dag.
– Når det gjeld det erstatningskravet dei har framsett, blei det ærkjent under saka. Mine klientar reknar difor med at dei får dei pengane dei har kravd.
– Når det gjeld straffesaka ser mine klientar på det som eit oppgjer mellom samfunnet og den tiltalte. Dei har valt å ikkje ha noko særskilde forventningar eller kommentarar til det.
Håpar å sleppe nye rundar i retten
For familien er det viktig at saka blir avgjort no, utan nye rettsrundar, seier familiens bistandsadvokat.
– Kor viktig er det at dette blir avgjort og ikkje blir anka vidare til lagmannsretten?
– Det er veldig viktig for mine klientar. Dei har eit sterkt ynskje og håp om at saka vert avslutta med denne tingrettsbehandlinga.
I dag klokka 17:00 les tingrettsdommar Kjetil Gjøen opp dommen. NRK følgjer domsavsigelsen.