- Skuffa over Fylkestinget

Berre eit mindretal av Fylkestinget støtta Raudt då dei i dag la fram eit forslag som uttrykte sympati med demonstrantane frå Hardangeraksjonen:

Fylkestingsrepresentant for SV, Aud Karin Oen, er skuffa over at berre åtte representantar gjekk inn for forslaget.

- Resten signaliserte at dei ikkje ville støtta eller sende ei helsing til aksjonistane som sit oppe i fjellet og som framleis kjempar mot vedtaket. Det var jo eit heilt klart signal, seier Oen.

• LES MEIR: Laber motstand mot mastestart i Hardanger | Protestene fortsetter

Vil ikkje støtta sivil ulydnad

Fylkesordførar Toril Selsvold Nyborg vil ikkje gå med på at Fylkestinget støttar mastevedtaket.

- Debatten gjekk på om Fylkestinget oppmodar til sivil ulydnad, og det meinte dei andre representantane at det ikkje var Fylkestinget si oppgåve å gjera, seier ho.

Ho legg vekt på at ho sjølv gav honnør til mastemotstandarane i opningstalen sin i dag.

- Eg føler at Fylkestinget, og iallfall eg gjennom talen min, har positivt omtala dei som demonstrerer for det dei meiner er "den gode sak".

- Men støttar de aksjonistane?

- Nei, me har ikkje støtta demonstrantane, fordi me var redde det skulle appellera til sivil ulydnad, men me har i alle vedtak sagt at me vil ha sjøkabel. Det gjorde me i siste høyringsrunde også. Så Fylkestinget si meining er heilt klar, seier ho.

• Kraftlinja i Hardanger (Simadal-Samnanger)

- Vis støtte i praksis

Oen er glad for at fylkesordføraren seier ho støttar mastemotstanden, men meiner likevel det blir feil å fokusere på sivil ulydnad.

- Det er bra at dei seier dei støttar, men eg synast dei kan visa det i praksis, og ikkje berre i ord. Det stod ingenting i forslaget om støtte til sivil ulydnad. Dette er folk som me ynskjer å støtta og sende ei helsing til, seier ho.

• LES OGSÅ: Har satt opp telt på mastepunkt | Aksjonister stoppet arbeid | Står på sitt

SJÅ HEILE KRAFTLINJETRASÉEN FRÅ HELIKOPTER: