Bakke-Jensen kontakta generalsekretæren med ein gong og gav beskjed om at dette ikkje gjekk an. Så byrja han å pakke rullebannera ned. Då hadde tabben allereie nådd dei ansvarlege.
– Eg trur det var to minutt etter at eg drog ned den første, så kom nokon dragande med dei nye, riktige roll-upsane.
Kartet var ein del av Høgre sin kampanje «Din hjertesak», der ein kan dele sin lokale hjartesak med partiet. Alle punkta på kartet syner kor folk har meldt inn ein hjartesak, men hjartesakene til Finnmark og store deler av Troms kom ikkje med.
– Skulle vere eit utsnitt
– Det er mi skuld, sier Dag Terje Solvang. Han er kampanjesjef for Høyre og ansvarlig for korrektur av rullebannera. Solvang hadde ikkje tenkt tanken at banneret eksluderte nokon, men tek på seg ansvaret for tabben.
– I mitt hovud tenkte eg eit utsnitt, eit grafisk element som viser at hjartesakene blir vist på eit noregskart, seier Solvang.
– Vurderte de å kutte andre deler av landet?
– Nei, for byrået vi brukte kom med dette forslaget, og då tenkte eg at det såg fint ut, slik gjer vi det.
Trur tabben gir fleire hjartesaker
Då reaksjonane byrja å nå Solvang, fekk han trykka opp nye banner i løpet av nokre timar.
– Så no kjem hjartesakene frå Troms og Finnmark òg med på kartet?
– Ja, dei har lege på nett. Det er ikke så innmari mange hjertesaker fra Troms og Finnmark enda, men det regner eg med kommer etter denne blunderen.
Bakke Jensen meiner at dette viser at ein bestandig må vere vaken.
– Det er jo eit teikn på at når høgre seier vi må auke kunnskapen, så gjeld det geografien òg, seier han.