Festfolk i Florø kan glede seg over at Myrtell Horne no føreslår ein sommarversjon av utkledningsarrangementet «Kjippen».
– Kven er betre enn oss florøfolk til å kle oss ut og skape så mykje lått og løje? La oss i fellesskap lage byen vår morosam og tidig, seier Horne til Firdaposten.
- REITE-BLOGGEN: Kjippen - unik bykultur i bygdefylket
Folkefest for tusenvis av menneske
Tusenvis av menneske samlast i gatene på nyttårssafta i Florø kvar einaste år. No vil florøværingane også ha kostymeopptog kvar 16. mai framover, sydd over same lest som «Kjippen».
Målet er at «Sommarkjippen» skal bli ein familiefest. Inspiriasjonen kom frå den vellukka jubileumsopptoget 16. mai i fjor, på 150-årsdagen til Florø.
– Her i byen har vi lange tradisjonar for å kle oss ut og gå i Kjippen. Men det er berre om vinteren, seier Horne til Firdaposten.
(Artikkelen held fram under biletet)
MYRTEL HORNE: Ho inviterer til ny årleg tradisjon: «Sommarkjippen» kvar 16. mai.
Foto: Tarjei LangelandEin hyllest til byen
Det blir trommeslagarar og det heile også i sommarvarianten av «Kjippen».
– La oss gjere ein årleg tradisjon ut av dette. For det er no livet går føre seg. Som ein hyllest til byen let vi livsgleda slå ut i full blomst. La oss i fellesskap gjere byen vår morosam og tidig, seier Horne til avisa.