– For meg som politimeister er dette eit teikn på at vi i Sogn og Fjordane politidistrikt har svært mange gode og dugande tilsette, skriv politimeister Johan Brekke i ei pressemelding.
Tilliten til politiet i fylket har auka frå 84 prosent i 2008 til 89 prosent i 2010. Innbyggjarundersøkinga 2010 er særs gledeleg statistikk for politimeisteren.
Vil jakte endå betre tal
Brekke meiner mellom anna at innføring av meir aktiv polititeneste til fleire tider på døgnet har gjort politiet meir tilgjengelege for publikum.
Politimeisteren seier politiet vil bruke undersøkinga til å verte stadig betre på fleire felt.
– Vi skal sjølvsagt gle oss over gode tilbakemeldingar, men vi må ikkje bli sjølvtilfredse, melder han.
(artikkelen held fram under biletet)
TIL STADES: Politimeister Brekke understrekar at politiet er meir tilgjengelege enn før. Her frå presentasjonen av kriminalstatistikk i 2008.
Foto: Cosmin Cosma / NRKI landstoppen på tryggleik
Enkelte av tilbakemeldingane ligg heilt i landstoppen samanlikna med andre politidistrikt. Brekke konkluderer med at fylket er eit trygt distrikt å bu og vekse opp i.
– For oss er det viktig at folk skal føle seg trygge i Sogn og Fjordane. Når undersøkinga syner at heile 93 % oppfattar at politiet skapar tryggleik er dette svært gledeleg, skriv Brekke.