Arbeidet med veg og tunnelar på begge sider av Dalsfjordsambandet er i full gang.
I dag skriv avisa Firda at dei har blitt kontakta av tilsette som er redde for sin eigen tryggleik i området. Ein mann sat inne i gravemaskinen som heldt på å bli treft ved utløpet ev Eikenes-tunnelen.
- LES OGSÅ:
Meiner det burde vore tunnel
Også leiar for ein av underentreprenørane, Cato Aurstad, deler uroa. Han har ansvar for 12 tilsette og 12 maskinar.
– Vi må vere veldig observante, fordi det er overhengande fjell og mange steinblokker på ei lang strekning, seier han til avisa.
Han seier det burde vore laga tunnel istaden for open veg i dette området.
- LES OGSÅ:
I februar blei firmaet ein lastebil knust under arbeidet i ein tunnel på andre sida av fjorden, då 300 kubikkmeter stein rasa ut. Like før dette raset var det tre personar inne i tunnelen.
Skulle vore bolta først
Prosjektleiar Einar Kåre Hovland i Statens vegvesen seier at gravearbeidet torsdag starta før området var bolta slik det skulle vore gjort.
– Fjellsida er vurdert saman med geologar og hovudentreprenøren. Vi skal byggje anlegget slik at det blir forsvarleg, seier han til Firda.