Vasstanden skapar trøbbel

Stormen som herjar norskekysten for tida gjer at vasstanden aukar dramatisk, noko ein merkar godt både ved kysten og lengre inn i fylket.

• LES OGSÅ: «Berit» fyller kontor og butikkar langs kysten med vatn

Stadhavet er heilt vilt

Stormflo langs heile vestlandskysten gjer at vasstanden aukar drastisk i elvar nær kysten. Kraftig vind gjer at havet oppfører seg ekstra vilt desse dagane.

• LES OGSÅ: Slik var det å overnatte i orkanen

Hoddevika er kjent for sine høge bølgjer og heftige naturkrefter, men i dag imponerte det ville Stadhavet til og med dei fastbuande ute på kysten.

– I dag er havet enormt i Hoddevik, seier Cathrine Liss Hoddevik som sende inn dette biletet:

Flaumvarsel

Noregs Vassdrags- og energidirektorat (NVE) sende i dag ut flaumvarsel for Rogaland, Hordaland, Sogn og Fjordane og Møre og Romsdal.

• LES OGSÅ: Torer ikkje opne vegen i uvêret
• LES OGSÅ: Hurtigruta torer ikkje passere Stadhavet

Dei store nedbørsmengdene skaper stor fare for flaum, og NVE ber om at folk passar på at avløpsvegar og sluk er opne og tek unna vassmengdene.

I tillegg fører nedbørsmengdene i kombinasjon med snøsmelting med seg ein auka fare for jordras.

Bratte skråningar, elvar og bekkar med mykje vatn kan utløyse slike ras, står det i flaumvarselet frå NVE.

Elvar over breiddene

Det forrykande regnet gjer at både små og store elvar renn over breiddene sine, også lengre inn i landet.

• LES OGSÅ: Her har det blåse orkan i natt

Mellom anna i Førde kan ein sjå at elva Jølstra har stige langt over normalen.

Syn som vitnar om ein unormalt høg vasstand er mange. Ein ser trappetrinn som går rett ned i djupet, forsvunne gangstiar og høge tre midt i elva ein vanlegvis ikkje treng vadestøvlar for å nå ut til.