- Det har ikkje heilt gått opp for meg enno, men så klart er kjensla god, seier Inger Marie Bråstad.
- Hadde gode og reine smakar
Ho representerte Naustdal dampbakeri i noregsmeisterskapen for yrkesfag, som gjekk av stabelen i Lillehammer. Konkurransen går over tre dagar, der det til slutt vert kåra ein noregsmeister i 28 ulike yrkesfag. I konditorfaget er det så klart gode og fine kaker som gjeld.
- Me hadde med oss kakebotnar til konkurransen. Så lagar ein resten, og dommarane følgjer prosessen. Etterpå smakar dommarane på kakene, og vurderer smak, utsjånad, konsistens og eigentleg alt.
- Kva gjorde at akkurat du vann?
- Me hadde veldig gode og reine smakar, seier den nybakte noregsmeisteren.
VM ventar
Arrangementet er i regi av den ideelle organiassjonen World Skills Norway, og kunnskapsminister Kristin Halvorsen stod for utdelinga av premien på 5 000 kroner. I tillegg fekk ventar verdsmeisterskap i konditorfag i London neste år.
- Det vert mykje øving fram til verdsmeisterskapen, for der er nivået mykje høgare, seier Bråstad.