Varslar kraftig streikeopptrapping

165 nye arbeidarar vil bli tekne ut i streik i Sogn og Fjordane, i tillegg til dei 331 som allereie er tekne ut. Frå i morgon vil dermed 496 vere i streik.

Hovudtyngda av dei 165 nye som blir tekne ut i streik vil vere i Årdal, der 147 tilsette legg ned arbeidet frå i morgon av. Dermed vil det vere fem kommunar, i tillegg til fylkeskommunen, som får merke konsekvensane av streiken i kommunesektoren.

Tilsette i Stryn, Jølster, Lærdal og Førde har vore tekne ut i streik sidan den byrja for snart to veker sidan.

• LES OGSÅ: Trappar opp streik over helga
• LES OGSÅ: 103 kommunetilsette ut i streik

I tillegg til dei 147 som blir tekne ut i Årdal, blir ytterlegare ni tekne ut i Førde, fem i Jølster, to i Stryn og to i fylkeskommunen.

– Områda som vert råka er det same som tidlegare; skuler, SFO-ar, administrasjon og teknisk etat, seier leiar i Fagforbundet i Sogn og Fjordane, Solveig Norevik.

• LES OGSÅ: Tapte tre millionar på losstreik
• LES OGSÅ: Verprofeten i Sogn har hatt travle dagar under meteorolog-streiken
• LES OGSÅ: Streiken kan stoppe matforsyning
• LES OGSÅ: Ventar med å trappe opp streik