Politibetjent Marianne Ånonsen var med og pågreip tenåringane, og ho seier at berre flaks hindra at det skjedde ei alvorleg ulukke.
Dei fire gutane frå Bergen var på heisatur i Aurland då politiet fekk inn melding frå folk som reagerte på at dei køyrde bil. Då hadde dei laga bråk og skadeverk i bygda.
Angra ikkje
Med politiet på slep køyrde den svært unge bilføraren og kompisane gjennom Lærdalstunnelen før politiet til slutt klarte å stogge dei på Voldum i Lærdal. Men det var ikkje nokre angrande syndarar som vart pågripne av politiet. - Dei syntes det var morosamt å vere på heisatur, seier Ånonsen.