Den 21. internasjonale folkemusikkfestivalen i Førde opna i går, og dronninga som er festivalens høye beskyttar, var her for andre gong.
- LES OGSÅ:
Auka kunnskap og respekt for både eigen og andre sin kultur er eitt av måla når dei ni unge talenta frå Norge, Brasil og Kapp Verde skal leve saman og skape musikk i ei heil veke.
Dei ni musikarane som fekk spele for dronninga var hardingfelespelaren Erlend Apneseth (20) frå Jølster, toradarspelemann Hilde Fjerdingøy (26) frå Grane i Nordland og kvedar Ingebjørg Lognvik Reinholdt (25) frå Seljord i Telemark.
Frå Brasil kjem perkusjonisten Luciano Fogaça (23), trekkspelaren Douglas Marcolino (24) og fløytespelaren Thales Milton Barbosa da Silva (22).
Frå Kapp Verde kjem trekkspelar og vokalist Vitor Tavares (18), ferrinhospelar Jacinto Moreno Monteiro (21) og Epifanio Lopes Tavares (26) som spelar cavaquinho og gitar