Programmet heiter "Perfect day" og har hyra inn kjendiskokkar som skal lage mat i fri luft. tv-programmet vert laga av det norske selskapet Telleus works. Dei har laga fleire slike program tidlegare, og har mellom anna vore vist på amerikansk og kinesisk fjernsyn.
– Serien har både vore vist på CCTV1 i Kina, den vises i USA og nokre av episodane er i USA sett av over 100 millionar menneske, seier direktør i Tellus Works, Morten Ottesen.
Kokkar som medvirkar i serien er mellom anna Andreas Viestad. Han har tidlegare laga mat foran Operaen i Bjørvika og i fjella over Ålesund.
Trur på internasjonal marknadsføring
Og det var dette Fylkeskommunen tende på. Dei håpar på tre program frå Sogn og Fjordane.
– Film er eit sterkt virkemiddel, så vi har tru på at det å få ei internasjonal marknadsføring gjennom slike episodar kan vera verdifult både for fylket og for reiselivet i fylket vårt, seier Jenny Følling frå Senterpariet.
Startar opptak i desember
Opptak av programmet planlagt frå 15. desember, men produksjonsselskapet manglar framleis nokre hundre tusen kroner for å komme i mål.
Kor opptaka skal skje, vil Ottesen ikkje ut med, men han fortel at dei på ekte fylkeskommunalt vis kjem til å nytte seg både av kysten og av innlandet. Og på menyen kjem det til å vera mellom anna hjort.
– Ein får dei unike opplevingane med å vera i Sogn og Fjordane. Det er godt tv, og det vil verdas tv-publikum gjerne få med seg, avsluttar han.