– Kvisvegen vil ikkje styrke Ålesund

– Nei, Kvivsvegen i seg sjølv vil ikkje i særleg grad endre reisemønsteret mellom Indre Nordfjord og Ålesund, seier forskar Finn Ove Båtevik ved Møreforsking i Volda.

Det var i går ordførar Bjørn Tømmerdal i Ålesund gjekk ut og sa Kvivsvegen, som blir opna den 22. september, vil verke viktig for utviklinga av kystbyen på Sunnmøre.

– Kvivsvegen vil føre til at folk kan bevege seg på ein heilt annan måte. Ålesund vil meir enn gjerne vere byen for heile Nordvestlandet. Dei som bur i nordfylket i Sogn og Fjordane har eit lynne, ein mentalitet og veremåte som ligg veldig nært opp til sunnmøringen. Det er det vi på ein måte må prøve å utnytte, seier Tømmerdal.

• SJÅ VIDEO: Kvivsvegen minutt for minutt

Fryktar ikkje Kvivsvegen

Ordførar i Førde, Olve Grotle, fryktar på si side ikkje at nordfjordingane skal velje Ålesund eller Ørsta/Volda framfor Førde.

– Mitt utgangspunkt er at nye kommunikasjonslinjer er ein fordel. Eg nektar å gå inn i snevre vurderingar av om den eine eller andre kommunen vil tene på det. Eg er trygg på at vi alle tener på det, seier Grotle.

• LES OGSÅ: Pendlar fekk prøvekøyre Kvivsvegen - gler seg til opninga
• LES OGSÅ: Opninga av Kvivsvegen vil bety fleire tusen færre reisande frå Anda

(Artikkelen held fram under biletet)

Meiner Ørsta/Volda er midtpunkt

Ordførar i Eid, Alfred Bjørlo, meiner bru via Anda-Lote over Nordfjorden vil vere avgjerande for kor viktig Sunnfjord vil bli for nordfjordingane i åra som kjem.

– Manglande realisering av framtidsretta kommunikasjonar, og då i første rekke ei bru midt i Nordfjord som både gir korte vegar til Sogndal og Førde, er noko som i dag er barriere på regionutvikling den vegen.

Forskar Finn Ove Båtevik trur i hovudsak at det er søre Sunnmøre som vil få vekst ved hjelp av Kvivsvegen.

– I utgangspunktet er det geografiske midtpunktet Ørsta/Volda, seier han.

• LES OGSÅ: Svært kritisk til skilting
• LES OGSÅ: Navarsete opnar Kvivsvegen