Fredag blei det klart at ein allianse av vestlandske kraftselskap vil kjøpe halvparten av energigiganten BKK frå Statkraft.
BKK-sjef Atle Neteland seier til Bergens Tidende at vil vere positivt for distrikta.
– Årsaka er at nettleiga ofte er høgare i distrikta, men når det blir ein felles nettariff med byane, tenar distrikta på det, seier han.
- LES OGSÅ:
- LES OGSÅ:
Sparte fleire tusen
Ein intensjonsavtale er no inngått mellom Statkraft, Sognekraft, Haugaland kraft og Sunnhordland kraftlag. Etter det NRK har grunn til å tru kan prislappen for vel halvparten av aksjane i BKK vere vel 10 milliardar kroner. Sognekraft sin del i BKK blir truleg ti prosent.
– Når eit nettselskap i ein større by fusjonerer med nettselskap i distrikta, får vi som regel lågare nettleie i distriktet.
Han seier at Høyanger, Gulen og Masfjorden fekk redusert leiga med fleire tusen kroner i året då små nettselskap her slo seg samane med BKK.
- LES OGSÅ:
- LES OGSÅ:
Drøymer om felles selskap
Neteland seier til BT at draumen hans er å skape eit felles energiselskap av dei sju kraftselskapa i Vestlandsalliansen.
– Det er lettast å få til om ein startar på nettsida. Det er mindre arvesølv her og difor enklare å byrje her, seier han.