Birkebeiner-trenar Kenneth Dokken trur eit engasjert heimepublikum i Førde kan vere ein fordel for drammensarane.
Hundrevis av tilskodarar på Førde stadion kan nemleg også vere ein inspirasjon for bortelaget, meiner trenar Kenneth Dokken.
- Denne typen kampar er det ikkje ofte ein opplever i 3. divisjon. Det kan frigje ekstra energi for mine spelarar, seier han.
- Eg trur det er så små marginar i den typen kampar, at det ikkje er avgjerande kven som har heime og borte først. Det blir nok styrkeforholdet som avgjer dette, tippar trenaren.
Samlar informasjon
Det vart i helga klart at Førde og Buskerud-laget Birkebeineren skal gjere opp om plassen i neste års 2. divisjon.
No jobbar klubbane med å førebu seg til helgas første av to kvalikkampar i Drammen - begge klubbane baserer seg på rapportar frå ulike kjelder som kjenner laga godt.
- Vi har hatt ein del folk som har sett Birkebeineren og samla info om korleis dei spelar og om spelarar vi skal vere obs på, seier Førde-trenar Knut Erik Folland.
Les óg:
Hundrevis av tilskodarar
Laga skal spele på kunstgras i den første kampen i Drammen. Etter planen skal returkampen gå på gras i Førde.
Folland reknar med at Birkebeineren vil satse hardt på ein solid siger på heimebane. Han trur Førde sjølv vil ha størst fordel av å spele heime til slutt.
Han viser til at Førde i år har hatt om lag 400 tilskodarar i snitt på kampane sine.
- Korleis Birkebeineren responderer på det, veit eg ikkje. Men vi responderer iallfall bra, seier Folland.
- Er de gode nok i år?
- Ja, det meiner eg.