I følgje Studentsamskipnaden (SISOF) er det no om lag 50 studentar som framleis ikkje har stad å bu.
Søv på sofa
– Det er studentar på sovesal og det er studentar som overnattar på sofa hos vener og kjende, seier bustadkonsulent Bjarne Gjermundstad.
I år er det rekordmange nye studentar ved Høgskulen. Til saman i Sogndal og Førde starta over 1030 nye studentar studiane sine måndag denne veka.
NRK kjenner til at flere mellom anna har overnatta på luftmadrass i boden hos vener og kjende!
Vanskeleg
– Hybelsituasjonen i Sogndal er vanskelegare enn på lenge, seier Gjermundstad, som sjelden har opplevd maken til trøkk på bustadmarknaden i Sogndal.
Han seier at det eigentleg er eit desperat behov for at private som har noko dei kan leige ut, tek kontakt og formidlar det til SISOF snarast.