Bergens Tidende skriv at advokaten til dei to meiner nedbemanninga i selskapet skal følgje ansiennitetsprinsippet i heile 1881, og ikkje berre avdelinga i Lærdal.
- LES OGSÅ:
Då 1881 sa opp tilsette i vår, råka det Lærdal særleg hardt, og 24 av 52 tilsette måtte gå.
Ein viktig prøvestein
TILLITSVALD: Lilly Kvamme seier ho er glad at nokon står opp mot det som skjedde.
Foto: Rune BolstadLovverket seier ikkje noko om ansiennitetsprinsippet skal gjelde heile organisasjonen eller berre avdelingar. 1881 sin advokat, Tor Sverre Brustad, seier til avisa at rettssaka vert ein viktig prøvestein i saker som omhandlar ansiennitet.
Han seier hovudinnvendinga mot bedrifta er at dei kvita seg med fast tilsette i Lærdal og leigde inn vikarar for å gjere jobben andre stader i landet.
– Arbeidet i 1881 kan fordelast kvar som helst i organisasjonen, uavhengig av kvar dei sit, seier Skaug.
1881-advokat avviser kritikken
Nestleiar i EL&IT-forbundet og tilsett ved 1881, Lilly Kvamme, seier ho er glad at nokon står opp mot det som skjedde.
– Det er bra vi får prøvd denne saka for retten, meiner ho.
Advokat Tor Sverre Brustad som representerer 1881, avviser at fast tilsette er erstatta med vikarar andre stader.
– Det er heller ikkje slik at alle kundebehandlarar kan ta alle typer oppgåver.