– Bilen har snurra og treft autovernet på begge sider av fylkesvegen, opplyser politiet til NRK sin utsende på ulukkesstaden.
Skadeomfanget er førebels ikkje kjend, men føraren av bilen var medviten og klaga over smerter i ryggen, opplyser politiet.
Politiet fekk melding om ulukka klokka 11.27 laurdag føremiddag, og både brannvesen, politipatruljar og ambulanse blei sendt ut til staden.
Blomlia ligg ved fylkesveg 609, nokre kilometer sør for Førde i retning Askvoll.