– På Hotel Loenfjord og Hotel Alexandra skulle vi ha nærare 750 overnattande gjester i tre dagar. Så dette får store konsekvensar, seier hotelldirektør Richard Grov.
- LES OGSÅ:
På grunn av mangel på snø har Norges Skiforbund kome til at det ikkje er forsvarleg å arrangere Hovudlandsrennet for 15-16-åringar i Markane i Stryn.
Arrangementet skulle gått av stabelen 28. februar til 2. mars. No er arrangementet «gitt tilbake» til Skiforbundet som skal finne ei alternativ løysing.
Har køyrt snø for 100 000 kroner
– Med tanke på alle dugnadstimar som er lagt ned så er dette tungt, seier rennleiar Sigbjørn Fænn.
- LES OGSÅ:
I veker og månadar har det vore jobba for å få til skiarrangementet i Markane. Trass i at det har vore køyrt snø til løypene på Ulsheim for 100.000 kroner blei det for lite.
– Stadion er delvis berr, og sjølv om vi ha køyrt til snø så har vi ikkje klart å få breidde nok i løypetraseane som var tenkt brukt.
(Saka held fram under biletet)
Fænn seier at dei einaste som kunne ha redda arrangementet på elles så snøsikre Ulsheim var eit snøfall på minst ein halvmeter i helga.
– Det har vist seg at den snøen vi har køyrt ned frå fjellet er det ikkje nok hald i, den blir fort sukker. Dermed blir det svært vanskeleg å få til gode nok løyper til så mange løparar som ein vil få under eit hovudlandsrenn.
No blir rennet i staden flytta til ein annan stad i landet.
Håpar på nye arrangementet
– Vi er vane med opp- og nedturar, seier hotelldirektør Richard Grov.
Denne gongen var det Stryn som miste eit arrangement på grunn av snømangel, tidlegare har det vore omvendt.
– Vi har hatt eksempel på at andre landsdelar har vore nøydde til å kansellere og at vi på kort varsel har fått inn arrangement.
– Som nordfjordingar og innbyggarar i Sogn og Fjordane så lar vi oss ikkje knekke av dette.