Dagleg er det mellom seks og åtte avgangar til og frå Florø og Nordsjøen, som omkring 250–300 personar nyttar seg av. Søndag blei det sett opp fleire ekstraavgangar for å frakte mannskap til og frå plattformane, men frå klokka seks i dag tidleg var det full stopp.
– Vektarane ved heliporten er tekne ut i streik, så no er det ikkje trafikk mellom Florø og Nordsjøen, seier lufthamnsjef i Florø, Siv Merete Stadheim.
Kring 15 vektarar arbeider på heliporten. Dette er tryggleikskontrollen som Nordsjøarbeidarane må gjennom før dei kan setje seg i helikopteret til oljeplattforma. Men vektarstreiken gjer no at ingen kjem seg til eller frå.
- LES OGSÅ:
- LES OGSÅ:
Reknar ikkje med store tap
At personellet ikkje blir skifta skal likevel ikkje påverke produksjonen og drifta på plattformane, seier pressetalsmann i Statoil, Ola Anders Skauby.
– Dette råkar først og fremst det å få rotert personell. Når det gjeld produksjonen, har ikkje dette nokre større konsekvensar, seier han.
Han trur heller ikkje at streiken vil føre til støre økonomisk tap for selskapet.
– Nokre personar må kanskje jobbar overtid og inn i friperioden sin. Men større økonomiske konsekvensar vil det ikkje ha, så lenge vi held produksjonen i gang.
- LES OGSÅ:
- LES OGSÅ:
Rutetrafikk som normalt
Helikoptertrafikken er heilt stoppa i Florø og Kristiansund, men går som normalt i Brønnøysund. På Sola og Flesland er det noko redusert drift.
Den vanlege rutetrafikken i Florø og dei andre lufthamnene i Sogn og Fjordane er ikkje råka av vektarstreiken. Men vektarstreiken gjer at det ved fleire flyplassar i landet er lange køar i sikkerheitskontrollen, men så langt har ikkje dette påverka flytrafikken til og frå fylket i særleg grad.