Sognekraft opplyser at deira abbonentar får straum frå Sunnfjord Energi, og at det er i deira område problema har oppstått.
Sunnfjord Energi driv no feilretting, og på Sunnfjord-sida av Fjærlandstunnelen skal dei fleste no ha fått att straumen.
– Det har vore eit kraftig torevêr utanfor kysten av Florø i kveld, men det ser førebels ikkje ut som at dette har oppstått andre stader i fylket, opplyser vakthavande meteorolog Tone Christin Thaule.
I følgje Firdaposten var og Florø by utan straum i 45 minutt tidlegare i kveld, etter at straumen slo ned nær ein trafostasjon på Grov.
Vakthavande i SFE, Frode Reksten, seier at eit lynnedslag i nærleiken av stasjonen på Grov er årsaka.
– Stasjonen vart nok ikkje råka direkte, men lynet slo nok ned i området like ved. Det skapa overspenning på nettet, seier Reksten til avisa.
Alle abonnentane i Florø skal ha fått straumen attende til klokka var 21.00 i kveld.