Grunneigar Ola Geir Hunderi er glad ingen vart skadd i raset på Hunderi i natt.
Kjempesteinar
- Det er til alt hell ingen som vart skadd i raset. Korkje menneske, dyr eller hus. Det er jo det positive opp i dette, seier Hunderi.
- Den eine steinen er fleire hundre kubikkmeter, og den har greve ei grøft i morellhagen på eit par hundre meter, seier grunneigaren.
Han har vore på synfaring i rasområdet, og seier det er snakk om store dimensjonar.
- Raset dekkjer store område i morellhagen, og det vert litt av ein ryddejobb, seier han.
Raset gjekk i halv eitt - tida i natt, og fleire naboar vakna av bråket. Nokre valde å køyre vekk frå staden for å kome i sikkerheit.