Raset har gått ved Hunderi omlag ein kilometer frå sjukehuset.
Rista i bakken
- Raset har losna omlag 700 meter oppe i fjellsida, seier næraste nabo til raset, Rein Arne Golf.
Han vakna av eit brak klokka halv eitt i natt. Like etter kom eit nytt brak, og det rista i bakken.
- Då eg stod opp og såg ut av soveromsvindauget såg eg ein haug med steinar, fortel Golf.
Ville kome seg vekk
Dette er berre ein av steinane som kom ned frå fjellsida i natt i raset. Ola Geir Hunderi eig morellhagen som er råka av steinraset. han var på synfaring i området i dag tidleg.
Foto: Rein Arne GolfRaset vekte opp alle naboane i området, og Golf fortel om naboar som sette seg i bilen for å kome seg vekk frå raset.
- Det var voldsamt då det stod på, og det rista skikkeleg i bakken, fortel han.
Ingen personar vart skadd i raset i natt, og heller ingen hus vart råka av steinane.
- Men morellhagen er full av steinar her, seier Golf.