Mohammed Sesay har fått avslag asylsøknaden sin, og har stått to månader i kø for å komme ut av landet.
No kan Sogndal i verste fall komme til å måtte klare seg utan 19-åringen resten av sesongen.
- Dei byrjar å bli rimeleg lei av meg på det kontoret eg stadig vekk ringjer. Sesay går her mot si eiga vilje, sukkar Trond Fylling.
- LES OGSÅ:
Jobba i månadsvis utan løysing
Då Sogndal skulle erstatte midtbanesjefen Rune Bolseth framfor årets sesong, fall valet på den 19 år gamle Raufoss-spelaren Mohammed Sesay.
Men: Kjøpet kan førebels best karakteriserast som katta i sekken.
Sportsleg heldt spelaren i massevis, men då det viste seg at 19-åringen frå Sierra Leone allereie hadde søkt om asyl i Norge og fått avslag - vart det straks langt meir komplisert.
No har Sogndal jobba med saka i fleire månader. Utan å finne ei løysing.
Ventar på UDI-transportering
Etter at han har fått avslag på asylsøknaden, må han nemleg reise tilbake til heimlandet for å søkje om arbeidsløyve derifrå.
Søknaden hans kan ikkje berre flyttast direkte frå asylsøkjarbunken og over i bunken for arbeidsløyve.
No ventar han framleis på at UDI og politiet skal transportere han ut av landet.
- Eg har spurt om vi ikkje kan organisere dette sjølv, men då får eg beskjed om at han vil bli stoppa på Gardermoen, seier sportsleg leiar Trond Fylling i Sogndal.
- Ein spelar vi saknar
Søknaden om arbeidsløyve tek normalt tre månader å handsame. Då er det tvilsamt om Sesay får spele fotball for Sogndal før sesongen er over i november.
- LES OGSÅ:
- Vi må i sommar ta eit standpunkt til om vi må erstatte Sesay eller tenkje annleis, seier Fylling.
- Men de slepp han ikkje?
- Nei. Han kan opne forsvaret til motstandaren, og han kan også gjere ein god jobb reint fysisk. Så han er ein spelar vi for tida saknar, seier Fylling.