Entreprenørverksemda Drage bygg er i full sving med Toyota Førde sitt nye bygg til nær 40 millionar kroner mellom Tools og Biltreff i Hafstadvegen i Førde.
Men tysdag morgon vart Stian Tennebø og kollega Stian Myhre møtt av ei oppbrota anleggsbrakke.
– Dei har stole med seg sager, bøyemaskin og kappemaskin, med meir. Det betyr ikkje noko for arbeidet vi gjer, men det er irriterande, seier Myhre.
Innbrotet skjedde mellom klokka 23 måndag kveld og 0730 tysdag morgon. Politiet ber folk som kan ha informasjon om tjuveriet om å ringe 02800.
Tjuven, eller tjuvane, har fått med seg verktøy for ein verdi av mellom 40 000 og 50 000 kroner.
– Alt av utstyr er merka med namnet til dei som eig det. Dei dyraste maskinene er ikkje stolne, seier lensmann i Førde, Jan Egil Tvinde.