Entreprenørverksemda Drage bygg er i full sving med Toyota Førde sitt nye bygg til nær 40 millionar kroner mellom Tools og Biltreff i Hafstadvegen i Førde.
Men tysdag morgon vart Stian Tennebø og kollega Stian Myhre møtt av ei oppbrota anleggsbrakke.
– Dei har stole med seg sager, bøyemaskin og kappemaskin, med meir. Det betyr ikkje noko for arbeidet vi gjer, men det er irriterande, seier Myhre.
TJUVERI: Tjuven, eller tjuvane, tok seg inn i denne anleggsbrakka i natt.
Foto: Oddleif Løset / NRK
TIPS: Lensmann Jan Egil Tvinde ber publikum om hjelp etter innbrotet. – Vi er interesserte i tips frå folk som kan ha sett noko i anleggsområdet ved Biltreff, seier Tvinde.
Foto: Tone Merete Lillesvangstu / NRKInnbrotet skjedde mellom klokka 23 måndag kveld og 0730 tysdag morgon. Politiet ber folk som kan ha informasjon om tjuveriet om å ringe 02800.
Tjuven, eller tjuvane, har fått med seg verktøy for ein verdi av mellom 40 000 og 50 000 kroner.
– Alt av utstyr er merka med namnet til dei som eig det. Dei dyraste maskinene er ikkje stolne, seier lensmann i Førde, Jan Egil Tvinde.