Kåre Olav Svarstad, ordførar i Bremanger
Foto: Torje Bjellaas / NRKBremanger slit tungt økonomisk etter Terra-skandalen, og Ap-ordførar Kåre Olav Svarstad fryktar at eit asylmottak vil gå ut over det resterande tenestetilbodet i kommunen.
- Vi kan kome opp i situasjonar der vi må skjere ned på andre tilbod for å oppretthalde tilbodet til asylsøkjarane. Og då kan det bli problematisk, seier han.
200 plassar
Det er selskapet Lopex, som mellom anna driv asylmottak i Sogndal, som har planar om å opprette mottak i Gudvangen og Aurland sentrum, Kalvåg i Bremanger og Eivindvik i Gulen. Ingen kontraktar er så langt inngått, men Lopex har som mål å få dei planlagde mottaka, som vil huse til saman 200 asylsøkjarar, i drift så snart som råd. Sjå
Det blir jobba for å få på plass 70 mottaksplassar i Bremanger, noko Svartstad meiner er altfor mange.
Etterlyser meir informasjon
Ap-varaordførar Ottar Steine frå Aurland etterlyser langt meir informasjon frå UDI om planane for asylmottak i kommunen.
- Eg har ikkje hørt noko anna enn at det er snakk om noko i Aurland og i Gudvangen. Og det er alt eg veit i denne saka. Så eg forventar eigentleg at det kjem skikkeleg informasjon til kommunen, så vi kan få handsama dette politisk, seier han.
KrF-ordførar Trude Brosvik i Gulen har ei langt meir open og positiv haldning til asyl-planane enn kollegane i Aurland og Bremanger.
- Vi har jo eit ansvar i forhold til asylsøkjarar, så eg er open for å få vite meir, seier ho.