- Det er veldig moro at eg vart teken ut. At det er på heimebane gjer at det er litt ekstra stas, seier Kim André Blikås.
Er nervøs og spent
Førdianaren er teken ut til junior-EM i styrkeløft for aller første gong. Meisterskapen går av stabelen på Hamar i midten av juni.
- Dette er mitt første EM - og den andre internasjonale mesterskapen etter Nordisk meisterskap om to veker, seier Blikås.
- Eg er litt nervøs og spent, kan du seie. Men det er slik det skal vere.
- LES OGSÅ:
Blikås har hatt ei rakettliknande utvikling, etter at han for ikkje så mange år sidan starta opp med styrkeløft.
Stressar ikkje med medalje
No er han klar for sin første verkeleg store internasjonale meisterskap. Blikås skal delta i 100-kilosklassen i EM. I tillegg er lagkameraten Lars Andreas Bruland reserve til meisterskapen i 90-kilosklassen.
- Eg har ingen forventingar til meg sjølv når det gjeld plassering. Det er mitt første EM, eg er andreårs junior - og fleire av konkurrentane er tre år eldre enn meg. Så eg har ikkje hastverk med å få medalje, seier Blikås.
Tek opp stolte tradisjonar
Sunnfjordingen har ambisjonar om å løfte minst 800 kilo samanlagt under EM.
I styrkeløft er det øvingane benkpress, markløft og knebøy som utgjer samanlagtresultatet.
Tidlegare har Sogn og Fjordane hevda seg internasjonalt i styrkeløft med utøvarar som Alexander Høivik, Alexander Kirketeig og Jørn Høyset.
LOVANDE: Kim André Blikås skal i aksjon mot tre år eldre utøvarar, og har ikkje hastverk med å ta EM-medalje.
Foto: Privat