Dermed har Sogndal fått på plass ein kjærkommen midtbanespelar før sesongstart.
– Eirik er ein målretta type som veit kva han vil, og han er lærevillig til å utvikle seg sjølv. Han har vore med oss i ei lengre periode, og vi er komfortable med at han kjem til å ta nye steg i åra framover, seier spelarutviklar Håvard Flo til sogndalfotball.no.
Har to mål for Sogndal
Skaasheim har vore involvert i spelargruppa sidan 2010, og har til saman 11 kampar og to mål for Sogndal.
Han debuterte i Tippeligaen i 1-1-kampen mot Start 7. juli i fjor. Skaasheim har starta fotballkarrieren i Balestrand, men melde overgang til Høyang som 15-åring. Han har sidan 2010 vore ein del av Sogndal 2.
Ser moglegheiter
Skaasheim sjølv er nøgd med signeringa.
– Dette er noko eg er veldig glad for. No har eg fått ei kjempemoglegheit til å utvikle meg endå meir som fotballspelar, og vere ein del av eit fantastisk miljø, seier Skaasheim.
Han legg til at debuten i fjor gav meirsmak.
– Eg er veldig klar for å gå ut på matta for å kjempe for Sogndal dei to kommande åra, seier Skaasheim.