Regjeringa får kritikk av Legeforeningen som meiner det er umogleg å ha akuttmedisinsk beredskap utan anestesi. Regjeringa har vedteke å oppretthalde den indremedisinske beredskapen på sjukehuset som i dag.
- LES OGSÅ:
- LES OGSÅ:
Full forvirring
Statssekretær Tord Dale (Ap) har sagt under eit folkemøte på Stad at det ikkje skal vere anestesi ved sjukehuset, det same har Helse Førde sin administrerande direktør Jon Bolstad sagt. Men samstundes har regjeringa altså vedteke at den indremedisinske beredskapen skal oppretthaldast som før.
Forvirringa rundt anestesien har skapt stor debatt, og i dag var anestesilege og styremedlem i Helse Førde, Rune Larsen, ute og refsa vedtaket:
– Regjeringa sitt vedtak om lokalsjukehuset på Nordfjordeid er umogleg å gjennomføre, seier han.
For Sp er anestesi eit minstekrav
Navarsete lova i førre veke å ta saka opp i regjeringa, i dag seier ho til NRK at regjeringa vil avvente avklaring til Nasjonal helseplan skal opp i Stortinget. Vedtaket er venta ferdig innan ei eller to veker.
– Dersom det ikkje kjem ei avklaring i Stortinget må regjeringa ta ei avgjerd, seier Navarsete til NRK.no.
Senterpartiet har tidlegare sagt dei vil ha anestesi inn som minstekrav til eit lokalsjukehus.
- LES OGSÅ:
- LES OGSÅ:
FORVIRRING: Det er full forvirring rundt anestesien på Nordfjord sjukehus.
Foto: Ottar Starheim / NRK