– Slik vår aktivitet er i dag, har vi kapasitet til å dele ressursane med andre oljeselskap. Ei felles utnytting av eksisterande helikopterressursar gir ein vinn-vinnsituasjon for begge partar, seier Vibeke Mowatt i ei pressemelding.
Ho er Leader Air and Marine Operations i GDF SUEZ E&P Norge AS.
– Vi har hatt ein god prosess med BG fram mot signering, og ser fram til eit godt samarbeid i åra som kjem, fortel Mowatt vidare.
Torsdag signerer GDF SUEZ E&P Norge og BG Norge AS den langsiktige kontrakten for bruk av helikopterressursar i Florø. Avtalen betyr at BG får nytte helikopteret som GDF SUEZ har på kontrakt med CHC.
- LES OGSÅ:
BG har behov for opptil ti turar per veke til Knarr-feltet i perioden kor både boring og ferdigstilling til driftsfasen går føre seg.
Kontrakten har ein verdi på 45 millionar kroner årleg. Oppstart av kontrakten er 1. juni 2013, og den vil vare til 30. september 2015 – med opsjon på inntil eitt år.
– Vi er svært glad for at vi har fått på plass denne avtalen med GDF SUEZ om å utnytte helikopterressursar som allereie er på plass i Florø. Dette er bra for BG Norge, GDF SUEZ, CHC Helikopterservice og for Florø som helikopterbase, seier Rolf Pedersen Knarr Logistics & Supply Base Manager, BG Norge.