I oktober i år vart bandet oppløyst, og det har vore stor strid om retten til å bruke bandnamnet Gorgoroth. No har patentstyret gitt bandmedlemmane King og sunnfjordingen Gaahl rett til å bruke namnet.
Gjer ikkje opp
Det andre bandmedlemmet, Infernus, vil ikkje la dette skje. Han seier i ei pressemelding at han har planar om å gje ut musikk under namnet Gorgoroth. Han får støtte frå plateselskapet Regain Records, som har hatt kontrakt med Gorgoroth sidan 2005.
Dermed kan sunnfjordingen Gaahl enno få kamp om bandnamnet, sjølv om patentstyret har sagt sitt. King og Gaahl har varsla at dei vil gå til søksmål dersom andre tek i bruk namnet Gorgoroth.