Med eit stort fleirtal av norske gjestar vart det ein rekordmånad i juni for Hotel Alexandra.
Hotellsjef Richard Grov er strålande nøgd med resultata, og fortel at så langt ligg juli på nivå med i fjor. Det skriv Fjordingen.
80 prosent av gjestane er norske. Hotellet har hatt nesten ei halvering av gjestar frå Spania.
– Vi har satsa bevisst på ein marknad som vi har trua på. Sør-Europa har svikta, men vi har hatt ei auke i gjestar frå USA, Brasil og Østen, seier hotellsjefen til avisa.
Dei fleste gjestane er drop-in-gjestar, og det er som oftast nordmenn.
– Det verkar som det er mange som ikkje har planlagt ferien sin endå. Vi sel mykje frå dag til dag, seier Grov.