- Er du hekta på fisk, så er du hekta på fisk, seier elveeigar Anders Fretheim til bt.no.
Stengde Flåmselvi
Fretheim er medeigar i Flåmselvi, men elva har Fylkesmannen stengd for all fiske fram til 2014. Søndag pakka dermed Fretheim fiskestonga og reiste til Wales.
- På 1850-talet starta forferdrane mine med utleige av sportsfiske til britiske lordar. Det var starten på turismen i Flåm. 160 år seinare må eg altså reise den andre vegen for å kunne bruke flugestonga - på grunn av vannstyret som har vore her til lands, seier han til avisa og meiner det heile er absurd.
Kritisk til oppdrettsnæringa
Aurlendingen er kritisk til framveksten av oppdrettsnæringa i fjordane. Ifølgje Bergens Tidende kan mengda av oppdrettslaks bli meir enn dobla, til nær 70 000 tonn i Sognefjorden dersom alle konsesjonssøknadar går gjennom.
- No har dei øydelagt Hardangerfjorden. Det hjelp ikkje å flytte driten til Sognefjorden. Oppdrettsnæringa greier rett og slett ikkje å handtere lakselusa, seier han til avisa og viser til at det i Flåmselvi har det hjelpt bestanden lite å stengje elva for fiske.