Regjeringa utset avklaring om Bybanen til Åsane
Regjeringa vil vente to år, til 2024, med å avtale finansiering av Bybanen til Åsane. Fylkesordførar Jon Askeland (Sp) fryktar utsett byggestart. – Risikoen for prosjektet stig. Dette er dramatisk, seier han til BT. Då Bergen i november vedtok Bryggen-alternativet, lova byrådet byggestart innan 2024. Reguleringsplanen blir ferdig i mai 2023, altså før kommunevalet, men auka kostnadsprognose, varsel om redusert statsstøtte og lengre byggetid har auka usikkerheita.
