Redaktørar kranglar om flyplassar

Vegane har vorte så mykje betre at Førde og Sandane ikkje lengre har behov for eigne flyplassar, meiner Jan Atle Stang i Firda og Jan Inge Fardal i Sogn Avis.

• Klarer vi oss med to flyplassar i Sogn og Fjordane? Sei di meining i kommentarfeltet nedst i saka.

Vil overta Sandane-fly

– At dei ikkje skal ha noko meir konstruktivt å halde på med enn dette; å rive ned tilbod for andre. Det synest eg er rart. Eg tykkjer det er småleg, seier redaktør Bjørn Grov i Firda Tidend.

Sogndal Luftamn Haukåsen har dei siste månadane fått låne det nattparkerte flyet frå den mellombels stengde flyplassen på Sandane som for tida får utvida tryggleikssonene på rullebana.

Sogndal, Florø og Ørsta/Volda

– Ei vellykka løysing som har gitt kraftig trafikkvekst, mener Jan Inge Fardal.

Sogn Avis-redaktøren tek på leiarplass til orde for å gjere flylånet frå stengde Sandane lufthamn Anda til ei permanent ordining.

No går Fardal eit steg lenger, og vil leggje ned flyplassane både på Sandane og i Førde. Og han får støtte av redaktøren i Førde-baserte Firda.

– Eg meiner den utbygginga som har vore på andre kommunikasjonar i Sogn og Fjordane, blant anna mellom Førde og Florø fortel at ein kunne klare seg med ein flyplass i Sunnfjord - Florø. Og det er ikkje så langt frå Sandane til Ørsta/Hovda, seier Fardal.

Full støtte frå Firda-redaktøren

– Småleg og panikkarta svarer redaktør Bjørn Grov i Sandane-avisa Firda Tidend.

Men redaktørane i dei to største avisene i fylket står på sitt. Jan Atle Stang meiner transportida til flyplassane har vorte så mykje kortare på grunn av betre vegar, at er er nok med to flyplassar i fylket.

– Eg deler Jan Inge Fardal sitt syn på dette. Det er klart at på eitt eller anna tidspunkt må ein begynne å dra synergiar av dei nye vegsambanda ein har fått hel i fylket.

– Småleg

Håplaust argumentasjon meiner Grov i Firda Tidend.

– Dette er jo statlege tilbod som vi skrik om at vi treng. Kvifor skal vi i vårt eige fylke jobbe for å leggje dei ned? Det synest eg faktisk er småleg. Eg synest vi må ha alle fire flyplassane. Vi treng dei i eit fylke som vårt, seier Bjørn Grov.