Ved 06.30-tida onsdag morgon var totalt vegar i Sogn og Fjordane stengde på grunn av ras, rasfare og uvêr. E16 over Filefjell var då den einaste opne fjellovergangen aust-vest frå Sogn og Fjordane.
Filefjell var i går kveld stengd av både bilberging og uvêr, men opna for kolonne ca 22.30. Tidleg onsdag morgon opna Vegvesenet vegen for fri ferdsle.
– Betre enn i går kveld
Ketil Molvær ved Vegtrafikksentralen i Sogn og Fjordane seier situasjonen på vegane har betra seg litt frå tysdag kveld. Då var det i ein lengre periode ikkje ein einaste fjellovergang mellom aust og vest frå Sogn og Fjordane som var open.
– Situasjonen i går vil eg nesten kalle litt kaotisk. Det vart veldig mange telefonar, seier Molvær til NRK.no onsdag morgon.
- LES OGSÅ:
- LES OGSÅ:
I Nordfjord er det meldt om lokal stor rasfare, og det er fare for at fleire vegar kan bli stengde utover føremiddagen.
- LES OGSÅ:
Slik var stoda klokka 12.00:
- E16 Filefjell – ope for fri ferdsle
- Riksveg 13 Vikafjellet – stengd grunna oppryddingsarbeid.
- Riksveg 15 Strynefjellet – opna for fri ferdsle etter å ha vore stengd grunna rasfare
- Riksveg 52 Hemsedalsfjellet – kolonnekøyring grunna smal vegbane
- Fylkesveg 50 Hol-Aurland – stengd grunna oppryddingsarbeid
- Fylkesveg 53 Tyin-Årdal – stengd grunna uvêr
- Fylkesveg 152 Menes- Ulvastad – opna etter snøras
- Fylkesveg 664 Fossebakken–Navelsaker–stengd grunna snøras
- Fylkesveg 723 Bødal-Loen–opna etter snøras
SJÅ OPPDATERTE VEGMELDINGAR HER
Usikkert kor tid vegane opnar
Molvær ved Vegtrafikksentralen sa til NRK tidleg onsdag morgon at det er vanskeleg å seie noko eksakt om kor tid folk kan vente seg at dei stengde vegane opnar att.
Til dømes på riksveg 52 over Hemsedalsfjellet vil ein ikkje begynne å rydde raset som har gått før det lysnar. Slik er det også dei fleste andre stadane der det har gått ras.
– Eg har også snakka med dei som er på Vikafjellet. Her er det veldig dårleg vêr no i morgontimane, og dei vil nok ikkje klare å rydde vegen før ut på dagen, seier Molvær.
Han oppmodar folk som skal ut på vegane om å vere budde på å bruke litt tid på å komme seg fram.