No har dei sett i gong ein underskriftskampanje for å prøve å behalde den 80 år gamle logoen.
Leiar i supportarklubben, Vidar Vadseth, meiner nemleg det er mange gode minne knytt opp til den gamle SIL-logoen.
- Det er ikkje berre, berre å forandre 80 år med historie.
Svart skal det vere, meiner supportarane.
- Likar ikkje gult
Etter planen skal Sogndal Fotball få ein ny logo i midten av november. Logoen er ikkje offentleggjort enno, men Vadtseth har høyrt rykter om korleis han ser ut.
- Det skal ha kome litt gult inn i logoen, og det høyrest ikkje bra ut. Fargane våre er svart og kvitt, seier han.
I november skal Sogndal Fotball og Sogndal Idrettslag ha eit ekstraordinert styremøte det dei skal stemme over den nye logoen.
Underskriftskampanje
Saftkokaradn har no starta ein underskriftskampanje for å prøve å påverke styret til å behalde den gamle svarte og kvite SIL-logoen. Dei vil overrekke denne lista på møtet i november, og Vadseth seier dei allereie har fått inn litt underskrifter.
- Vi har vel fått 50 til no, men vi vil ha folk på stadion i morgon for å samle inn fleire. Eg håpar underskriftene vil hjelpe. Vi vil ha den gamle. Det er den folk kjenner, seier han.
