– Kystvaktskipet Tor har søkt i Høydalsfjorden sidan før helga. Vi skal ta ei oppsummering når søket er ferdig i dag og sjå om dei blir med vidare, seier stasjonssjef ved Flora politistasjon, Wenke Hope.
Mannen har vore sakna sidan 23. mars etter at . Politiet meiner mannen var ved Osstrupen bru for å arbeide på seglbåten hans.
Kystvakta har sidan før helga søkt på overflata i fjorden. Store mannskap, redningshundar, drone, undervassbåt og sonar har førebels ikkje gjeve politiet noko svar.
– Det er krevjande når folk forsvinn på sjøen. Det er vanskelege søkeforhold, det har vore uvêr og straumar i sjøen slik at det er vanskeleg å vite kvar den sakna kan ha tatt vegen, seier Hope.
Politiet meiner mannen har omkome, men trappar opp søket kommande helg.
– Førstkommande laurdag planlegg vi eit større strandsøk i samarbeid med Røde Kors Hjelpekorps. Dette søket skal vil planlegge i kveld, seier Hope.
