Politiet fekk melding om ulukka klokka 13.57.
Det var under opptrekk av ein tandemparaglider at ulukka skjedde. Det er Våt Moro-festival i Florø denne helga, men turen det gjekk gale med var ikkje i regi av festivalen.
– Under opptrekket har dei fått problem med vinden og at dei skar ut til sida og landa i ulendt terreng slik at tandemeleven vart skadd, seier presseansvarleg Roger Bareksten til NRK.
– Det er ikkje i regi av festivalen. Fjordane Luftsportklubb, som me har leigd inn til å ta seg av turane under festivalen, har tatt ein tur som ikkje var i regi av oss, seier Bareksten.
Risøya ligg eit par kilometer nord for Florø sentrum.
