Overvakingsbileta frå Narvesen-butikken vert truleg svært viktige for politiet i etterforskinga av innbrotet som fann stad natta etter 17. mai.
Sogn Avis skriv laurdag at det kan det ha vore tre personar involvert. Frå før har politiet gått ut med at dei leitar etter to menn, truleg i 40-åra.
- LES OGSÅ:
Sikra seg overvakingsbilete
Politiet har sikra seg overvakingsbilete frå kiosken, både frå dagtid 17. mai, og på natta då tjuvane slo til og stakk av med alt av tobakk og snusvarer.
Også butikkeigar Per Sverre Moe har sett nøye gjennom videobanda.
- Det kan sjå ut som at dei har vore inne i butikken på 17. mai i to omgangar, seier Moe til Sogn Avis.
- LES OGSÅ:
- LES OGSÅ:
Trur tre menn var involvert
Moe meiner det er sannsynleg at det kan ha vore ein tredje mann med på innbrotet.
Dette fordi han på opptaka har sett ein tredje person i samtale med dei to som tydeleg dreiv med såkalla rekognosering inne i butikken.
Moe presiserer til avisa at det sjølvsagt ikkje er sikkert at denne personen har noko med innbrotet å gjere, men har bede politiet om å sjå nærare på videobileta.