Ny skiheis opnar eldorado for frikøyring og toppturar

– Vi opnar ein heilt ny T-krok-heis som tek deg opp til over 1000 meter over havet, fortel dagleg leiar ved Sogndal skisenter, Ola Alsterholm.

Dette er første byggetrinn i reiselivssatsinga i Sogndalsdalen, som på sikt skal gi fleire skiheisar, 500 hyttetomter og gondolbane. Rindebotnheisen strekkjer seg 1300m opp i fjellet, og løyser ut fleire kilometer med alpine nedfartar.

Den nye heisen i Rindebotn ligg om lag éin kilometer lenger inn i dalen og litt vest for dagens heisanlegg.

– Det er ein heis som er opna opp, til dels for ein fin raud nedfart, samt flott frikøyring og toppturar, seier Alsterholm.

• LES OGSÅ: Utviklingsprosjektet i Hodlekve veks
• LES OGSÅ: – Sogndal satsar på tilflytting gjennom fjellsport og friluft. Det har dei lukkast med.

Har allereie bestilt ny heis

Trøbbel med leveransar og dårleg flygevêr utsette opninga av den nye skiheisen, men laurdag er det altså klart for den store opninga.

Heisen er del av ei storinvestering, og det er allereie bestilt ein heis til som skal vere klar til neste sesong.

– Inkludert i desse investeringane er det også hyttebygging, seier Alsterholm.

Ein er også godt i gang med planlegging av ein gondol til Kambafjellet.

– Det ligg fire-fem år fram i tid, så det er litt meir langsiktig. Neste heis vert bygd til sommaren, seier Alsterholm.

(Artikkelen held fram under biletet)

• LES OGSÅ: Har selt 45 hyttetomter på eitt år - håpar å selje 500 i løpet av ti år
• LES OGSÅ: Utsett Hodlekve-heis snart klar

Har godt med snø

I toppen av den nye heisen er det om lag to meter snø.

– Vi har godt med snø. Den nye heisen litt høgare enn den gamle heisen. Men vi har hatt ope sidan 2. juledag, så vi har hatt ein god sesongstart slik sett. Vi har vore heldige og har fått snø når mange andre har fått regn, seier Alsterholm.

Han trur mange vil få nye og spesielle fjellopplevingar av å komme seg opp med nyeheisen.

– Ein kjem litt høgare opp på fjellet. Dei får ein veldig fin, raud nedfart, som er perfekt for storslalåmkøyring. Den er på nivå med det meste andre ein finn av topp nedfartar, seier Alsterholm.

Han peikar også på at heisen opnar opp eit veldig stort område for frikøyring.

– Det er viktig her i Sogndal, seier Alsterholm.

• LES OGSÅ: Her har dei grunn til å juble over knallstart på vintersesongen
• LES OGSÅ: No drøymer dei om snø! Håper å opne alpinbakkane snart