Mange av representantane for partia kan nemleg røyste uavhengig av partiprogrammet. Førde er saman med Fauske og Vefsn i Nordland dei siste kommunane med ølmonopol i landet.
NRK sin valgomat syner stort engasjement for framtida til det omdiskuterte og tidvis utskjelte ølpolet i Førde. Også i Nordland har denne saka vekt stor merksemd no i valkampen.
- LES OGSÅ:
Vil bryta med programmet
Ordførarkandidat for Arbeiderpartiet, Terje Gjertsen er sterkt engasjert i denne saka. Han kjem til å stemme mot sitt eige partiprogram når saka kjem opp i kommunestyret.
– Om eg skal seie kva vårt parti står for, så har vi det i vårt program at vi ønskjer å oppretthalde ølpolet. Det er partiet sin offisielle politikk. Spørsmålet her går på alkoholpolitikk, og då står vi fritt. Mitt synspunkt på ølpolet er at det bør avviklast, seier Gjertsen til NRK.
Les Fylkesleksikonet sin artikkel om soga bak ølpolet i Førde
Berre KRF krev at representantane røyster for å bevare utsalet. Representantane for dei andre partia står fritt til å røste etter eiga overtyding.
- LES OGSÅ:
Sp er splitta i saka
Iris Loftheim i Senterpartiet vil følgje partiprogrammet og røyste for å bevare ølpolet. Men ho vedgår at partiet er splitta.
– Der er det veldig delte meiningar, det veit eg. Vi veit jo ikkje kven som kjem inn av dei som står på lista. Slik sett kan eg ikkje seie noko om kvar vektskåla vil tippe, trur Loftheim.
Kan verte fleirtal mot
Framtida til eit av dei siste ølpola i Noreg er dermed usikker. Valet kan snu fleirtalet som til no har vore for å behalde polet.
- LES OGSÅ:
Det er opp til veljaren å finne ut kva den enkelte representant meiner om saka.
Kva meiner du om ølpolet i Førde? Sei di meining i kommentarfeltet under.