- Eg er spent på kva dette vil koste, og vil legge fram den prislappen for departementet for så å høyre kven som vil ta den, seier Clara Øberg, styreleiar i Helse Førde.
- LES OGSÅ:
- Må ha ekstramidlar frå staten
DYRT: Jon Bolstad i Helse Førde meiner regjeringsvedtaket medfører økonomiske utfordringar.
Foto: Tone Lin Støfring / NRK
VIL IKKJE SPEKULERE: Styreleiar i Helse Vest Oddvar Nilsen skal i føretaksmøte 28. april og vil vente med å spå kostnadar.
Foto: Helse VestHelse Førde vedtok i fjor sommar å leggje ned ortopedi- og fødetilbodet både i Eid og i Lærdal. Men regjeringa ville det annleis, og har pålagt Helse Førde å ha fødestover ved begge lokalsjukehusa og ortopedi i Lærdal.
- Vi må ha ekstramidlar direkte frå staten eller frå Helse Vest, seier Øberg.
- Vi har sagt kva vi har moglegheit til å drive innanfor våre rammer og det har vi vedteke i Helse Førde. Når Helse Vest og departementet har valt å gjere det annleis får det bli ein diskusjon mellom dei kven som skal ta prislappen, seier Clara Øberg.
Fordyrande regjeringsvedtak
Også administrerande direktør Jon Bolstad i Helse Førde slår fast at regjeringsvedtaket medfører store økonomiske utfordringar.
- Det som er heilt klart er at dei økonomiske føresetnaden er endra i forhold til det som var den 18. juni 2010 då styret fatta sitt vedtak.
- LES OGSÅ:
- LES OGSÅ:
Bolstad stadfestar dermed at dette er fordyrande i høve til det Helse Førde vedtok.
- Ingen veit kor dyrt det blir
Styreleiar Oddvar Nilsen i Helse Vest fortel at han skal i møte med departementet om saka den 28. april. Fram til då vil han ikkje spekulere i kor mykje dyrare dette vert.
- Det er fyrst etter føretaksmøtet vi veit konkret kva dette inneber, seier han.
