Ny rapport om omkomne ved Stad

Dette går fram av ein rapport utarbeidd av kaptein og leiar i Hurtigbåtenes Rederiforbund, Ottar J. Aare.

Men Aare trur talet på nestenulukker er høgare enn det som er registrert i rapporten .

– Vi greier ikkje skaffe oversyn over absolutt alle nestenulukkene fordi det ikkje finst noko system for å rapportere slikt, seier han til Sunnmørsposten .

Verste ulukka i 1956

Men etter 1984 har det ikkje vore tap av menneskeliv på Stadhavet. Ulukka med flest omkomne i nyare tid skjedde 1. mars 1956, då snurparen "Brenning" frå Salten i Nordland vart slegen rundt av brottsjøar. 19 av dei 20 ombord miste livet.

• LES MEIR I FYLKESLEKSIKONET OM Brenning-forliset

Men går vi lengre tilbake i historia er talet på omkomne langt høgare. Mellom anna har eit stort tal nordlandsjekter forlist på veg til og frå Bergen. Dette kan du lese meir om i artikkelen Ulukker i Selje i Fylkesleksikonet.

Rapporten vart lagd fram på eit seminar i Oslo torsdag. Bak seminaret stod Maritimt Forum Nordvest og Styringsgruppa for Stad skipstunnel, og målet var å skape engasjement på Stortinget. Om lag 40 politikarar var med på seminaret.

• LES OGSÅ: Skipstunnel meir lønsam enn trudd
  
• LES OGSÅ: Trur ikkje skipstunnel vil gje meir sjøtransport

Ofte berre flaks

Rapporten har og teke med nestenulukker, som det er registrert 46 av sidan krigen. I mange av nestenulukkene er det rein flaks at det ikkje enda i ei alvorleg ulukke, seier Ottar J. Aare.

(Artikkelen held fram under biletet).

– Den mest alvorlege skjedde 14. desember 2003 då hurtigruteskipet "Midnatsol" fekk motortstans i stiv kuling og grov sjø.

I det tilfellet fekk mannskapet i gang maskineriet kort tid før skipet hamna i fjøresteinane. Passasjerane var plasserte i livbåtane, og mannskapet stod klare til å låre livbåtane då skipet fekk att motorkrafta.

• LES OGSÅ: Fem år sidan nestenuhellet på Stad

På seminaret i Oslo vart det og lagt fram ei argumentliste frå SINTEF som konkluderer med at Stad skipstunnel er eit samfunnsøkonomisk lønsamt prosjekt.